Thlei bik neih ka tum lo - Robert Romawia

Aizawl East-II bialtu MLA Robert Romawia Royte, minister of state chuan nimin zing khan a bial chhung Armed Veng a tlawh a, thlei bik neih a tum loh thu a sawi.
Robert Romawia chuan Aizawl East-II bial mipuite'n an aiawh tura thlan tlin a nih thu sawiin, "Chuvangin tumah thlei bik nei loin mi tin huap zoa hma lak ka tum. Tin, Zoram pum huapa mawhphurhna nei minister of state ka nih ang pawhin huapzo taka hmalak zel ka tum," a ti.
1st MAP football ground-a field chhawng sak leh phullem phah mek chak taka kalpui a nih thu sawiin Robert Romawia chuan,"YMA road siam mek chhunzawm zel a nih theihnan sum pek belh a ni ang. Vengchung leh Venghnuai inkal pawhna kawr chung kawngpui siam turin UDPA-in tender an tifel tawh a, cheng nuai 150  hmangin hna thawh tur a ni," a ti a, sorkar hmalaknate ṭawiawm zel turin khawtlang mipui a sawm.
Armed Veng khawtlang hruaitute chuan an bialtu MLA hnenah hian an khawtlang mamawh hrang hrangte an lo thlen.