MLA hlui House-ah sun

Nimina Assembly session-ah February 16, 2020 zan 9:25 a cancer vanga thi MLA hlui C Sangzuala (83) h/o Lalthanpari, Chaltlang sûnna hun hman a ni.

C Sangzuala chanchin leh uina thu House leader Zo­ramthanga'n a sawi a, chumi hnuah opposition group leader Lalduhoma, INC member KT Rokhaw leh MNF member R Lalzirlianate'n uina thu an sawi a ni. C Sangzuala sûn nan hian House member-te chu speaker Lalrinliana Sailo kaih­­hruaiin minute khat chhung ngawi rengin an ding.

C Sangzuala hi kum 1998-a Assembly inthlan­puiah MNF ticket-in Aizawl South-II bial aṭangin MLA atana thlan tlin a ni a, govern­ment deputy chief whip leh Mizoram Customary Law chairman atan ruat a ni a, a hun chhungin Mizoram Customary Law pawm tura peih a ni.