Kuthnathawktute tan training buatsaih

Pachhunga University College hnuaia Biotechnology department chuan kuthnathawktute tan training an buatsaih 'Organic Farming for Sustainable Development of NE Farmers' chu March 24-25 chhung khan PUC Seminar Hall-ah neih a ni.
Training-ah hian khaw hrang hrang 14 aṭangin kut hnathawktute an kal khawm a, India ram chhunga mithiam leh tualchhunga lo neih lama thiambikna neiten zirtirna an pe. Thlai chi hrang hrang chin dan, a ei chhetu rannung laka ven dan leh pa khawi dan, kuthnathawktute tana hamṭhatna awm theite zirtir an ni.
Training hi ICAR-NBAIM puihna a neih a ni a, PUC principal Dr H. Lalthanzara chuan hman puiin, loneitute fuihna thu a sawi. Kuthnathawktute hmanraw mamawh tur hrang hrang pek nghal an ni.