Hmeichhe khuaikhemtu kum 7 Jail tang turin Court-in a hrem

Hmeichhe khuaikhem avangin F Laldawngliana chu addl. session judge R Vanlalena'n rim taka hnathawk chunga kum 7 chhung jail tang turin a hrem.

Police aṭanga thudawn danin, ni 15.1.2017 zing kar khan Chalrang Mel 5 khawdaia Chalrang rama mi huan enkawla awm hmeichhe pakhat Chalranga inkhawm tura a kal chu ramhnuai kawnga a kal laiin F Laldawngliana hian hmu fuhin, khuaikhem a tum a, nimahsela a hlawhtling mai lo a ni. Thui vak lo an kal hnuah F Laldawngliana hian hmeichhia chu kawng thlang remchangah pawt thlain a pawngsual zui ta tih hmeichhia hian a sawi. 

Hmeichhia hian thil thleng hi Chalrang MHIP President hnenah a thlen nghal a, ani chuan Khawzawl MHIP President leh MHIP Gen. Hqrs. President-te phone in thil thleng hi a hrilh ve nghal a ni. Hemi ni la la hian, MHIP hruaitute ṭanpuina a zarah pawngsual tawktu hian Khawzawl Police Station ah FIR a thehlut a ni.

Police-te chuan he thil thleng hi chhui zui nghalin, an thil hmuh chhuahte Court-ah an thehlut a ni. Court chuan thuhretute thusawi leh finfiahna aṭanga thutlukna siamin, F Laldawngliana hi kum 7 chhung jail tang tur leh Rs. 5000 chawi turin a hrem a, pawisa hi a pek loh chuan kum hnih dang a tan belh ang.