MLA atan Zothantluanga la lut

Aizawl West-I Member of Legislative Assembly (MLA) by-election-a thlan tlin Zothantluanga chu nimin khan speaker Lalrinliana Sailo-in a pisa-ah rinawmna thu tiam tirin a la lut. MLA lakluhnaah hian Chief Minister, minister leh MLA eng emaw zat an tel.

MLA inthlanpui nikuma neih zawh takah Lalduhoma, Zoram Peoples' Movement (ZPM) chu bial pahnih - Serchhip leh Aizawl West-I aṭanga thlan tlin a ni a, Aizawl West-I a chhuah san zawk avangin April 11, 2019 khan by-election hi buatsaih a ni. By-election-ah hian rorellai Mizo National Front (MNF) candidate Zothantluanga hi thlan tlin a ni.

Mizorama MLA seat awm zawng zawng 40 chu hnawh khah a ni tawh a, MNF-in seat 27, ZPM-in seat 7, Indian National Congress-in seat 5 leh Bharatiya Janata Party-in seat 1 an nei a ni.