END-in heroin leh ganja man

Excise & Narcotics department (END) chuan Thawhṭanni, May 27 khan mi pathum hnen aṭangin heroin leh ganja eng emaw zat an man.

END-te hian Thawhṭanni khan Seling (Champhai road) ah heroin gram 205 leh a neitua puh Lalkailiana (49) s/o VL Rawna, Falkland Veng, Aizawl a khawsa nia inchhal an man a, Lalhmingmawia (35) s/o Biakzauva leh Ṭhaneihpari (43) d/o C Rothanga (L), Falkawn nia insawi ve ve an man leh a ni.

Thawhṭanni vek khan END te hian Nanglamchin (32) Churachandpur, Manipur hnen aṭangin ganja kg. 2.163 an man a ni. Ruihhlo avang mante hi ND&PS Act hmanga thubuai siam an ni a, Court thu angin jail-ah dah vek an ni.