Press accreditation card hlan

Champhai district aṭanga accredited journalist atana thlan thar mi 13 hnenah nimin khan Champhai DIPRO Dr Lal­lawmkima chuan press accreditation card a hlan.

DIPRO pisa-a inkhawm­ah Dr Lallawm­kima chuan Champhai district chhunga chanchinbumi 13 te accredited journalist atana state sorkarin a rawn thlang chu lawmawm a tih thu sawiin, "Press accreditation hi sorkarin chanchinbumite a hriatpuina leh nemnghehna pawimawh tak a ni," a ti a, accredited journalist-te chu mipui rawngbawlsak leh zirtirna kawngah sorkar ṭawiawm zel ṭhin turin a sawm.

Accredited journalist thlan tharte hi Champhai khawpui chhunga a mi 10 leh Khawzawla mi pathum an ni. Nimina sem chhuah press accreditation card hian May 1, 2019  aṭanga March, 2021 thleng a huam dawn a ni.