Synod timualphoah Duhoma puh

Mizoram BJP vice president LR Colney chuan nimin khan an party pisa-ah thu sawiin, opposition group leader Lalduhoma chu session neih mekah Synod timualphoah a puh.

LR Colney chuan thudik tawk lo hmangin session-ah Lalduhoma'n BJP a bei nia sawiin, "Thudik ziktluak lo hmanga min beihna hi a pawi hle mai a, thudik chanve hmanga kan ram roreltuten min hruai ṭhin avangin mipui tamtak kan chi ai tawh a, hlauh loh tur kan hlau a hlauh tur dik pawh kan hre tawh lo hial a ni," a ti.

BJP Vice President chuan Lalduhoma'n BJP vangin Kristianten tihduh-dahna an tuar nasa angin a sawi nia tarlangin, thudik tak a hre duh anih chuan BJP office-ah lo leng se an hrilhfiah theih thu a sawi.