NEWS TAWI

Nimin khan Siaha DC Bhupesh Chaudhary chuan Siaha College Vaih II-ah ICDS leh NREGS convergence hnuaia sak anganwadi centre building a hawng. Anganwadi centre hi kum 2017 aṭang a sak ṭan niin rokhawlhna avanga sak zawh loh leh khawih chhunzawm loha a awm reng hnuah August 2019 khan sak chhunzawm leh a ni a, February 2020-ah hawn theiha sak zawh a ni.

Mamit LAD confe­rence hall-ah Development of Sericulture chuan nimin khan Phaizau leh Mamit huam chhunga pangang khawitute tan training an buatsaih a, DC Dr Lalrozama'n a hawng.  Dr Lalrozama chuan Mamit district chu India rama district chawikan ngaite zinga telh a nih angin  sorkar laipui aṭangin hmasawnna tur tam tak chhawpchhuah sak an nih thu a sawi a,"Hengte hi hmang ṭangkaiin district into­delh leh hmasawn kan nih ngei theih nan leh eizawnna ngialnget leh chhenfakawm nei tura hma kan lak a ngai," a ti.

Department of So­ciology, Mizoram University (MZU) chuan nimin khan MZU-ah ni hnih awh tur National Seminar on Rehabilitation of Disabled and Inclusive Development with Specific Reference to North East India an huaihawt. Seminar-ah hian national leh state level-a pianphunga rual­banlote an zirchianna chungchang an sawiho a ni.