Lunglei MZP-in zirlai ti ṭha chawimawi

MZP Hqrs., Lunglei chuan nimin khan Lunglei khawpui chhunga HSLC leh HSSLC, 2019 a ti ṭhate chawimawina hun Convention Centre-ah an buatsaih a, minister C Lalrinsanga'n a hman pui.

Zirlai chawimawi inkhawm hi Lunglei MZP vice president K Lalremruata'n kaihruaiin, C Lalrinsanga chuan lehkha thiam, zirna a tui si, chhungkaw harsatna avanga chhunzawm thei lo eng emaw zat an awm a rin thu sawiin, "Chungte tan chuan lehkha an zir theihna atan theih tawp chhuah ka uin huam a ni," a ti.

C Lalrinsanga chuan zirlaite chu a ṭha ber leh sang ber thlen tum turin a chah a, "Chu chu hnam humhalhna kawng pawimawh tak a ni. Ei leh bara ram khaiding tur pawhin thiamna a ngai," a ti a, zirlaite chu ruihtheihthil leh thatchhiatna laka inham buai loa, hmathlir mumal tak neia lehkha zir turin a fuih.

MZP Gen. Hqrs. president L Ramdinliana Renthlei pawhin thu sawiin, "Kum dang aiin kumin HSLC leh HSSLC result ṭha lo mah se, a quality zawk. A chhan chu distinction an tam vang a ni. Tunlai inelna ah thluak in ang a hmang thiam apiang an dingchhuak ṭhin a, chuvangin inthlahdah loa hmathlir nei a zir a pawimawh," a ti.

Lunglei MZP-in chawi­mawina an hlan te chu HSLC exan result chhuak taa Lunglei atanga pasarihna dinhmun hauhtu mi 3 te leh HSSLC exam a Science leh Commerce a topper Lunglei khua a mite bakah HSLC leh HSSLC Distinction a pass zirlai 125 leh MCS  a tling H Van­lalbiakzaua te an ni.