Leihlawn dawhna tur hmun tlawh

Amotlah bialtu MDC HC Lalmal­sawma Zasai chuan chuan nimin khan a bial chhunga khaw pali luipuiin a karcheh avanga tui a len changa harsatna an tawh ṭhin sutkian a nih theihna atana Tisopi-a leihlawn dawhna tur siam mek a tlawh.

Leihlawn dawhna atan hian PWD chuan cheng nuai 1300 an ruahman mek a, mahse hnathawh hun chhung a rei dawn avangin leihlawn dawh chhunga fur laia mipuite'n harsatna an tawh lohna atan HC Lalmalsawma chuan Disaster Management & Rehabilitation minister Lalchamliana a dawr a, minister hian a theih ang anga ruahmanna siam pui a tum a ni.

Leihlawn siamna turah hian Siaha DRDA Project Director leh BDO ten sum awm thei ang ang la khawm turin hma an la mek a, Siaha BDO hnuaia VC te pawhin theih ang anga ṭanpui an tum a ni.