AAP tih theih aia ṭha pawh MNF-in a ti thei - MNF Treasurer

MNF treasurer K Vanlalauva chuan nimin khan Mizo Hnam Runah thu sawiin, Delhi-a sorkarna chelhtu AAP-in a tih theih aia ṭha pawh MNF chuan a tih theih thu a sawi.

K Vanlalauva chuan damlohna avangin Delhi inthlan lai vel leh a hnuah Delhi-ah a awm thu sawiin, "Politics ti mi ka nih ve avangin Delhi inthlan boruak kha ngun takin ka  thlithlai ve reng a,  Kejriwal-a tlin leh tho ringtute an awm a, BJP sorkar theih ringtute pawh an awm nual. AAP Leader, Delhi chief minister Arvind Kejriwal chu central sorkar chak tak nekchepna hnuaiah pawh a tling leh mai a ni. AAP leh BJP feeling khu a na khawp a, USA president Donald Trump lokal pawh khan official-in BJP sokar khuan Arvind Kejriwal khu a sawm ve lo hial a nih kha," a ti.

Arvind Kejriwal-a'n a term hmasa chhung­in tui, electric supply leh thil dangte chu ti ṭhain zirna phei chu a thlak danglam dawrh nia sawiin MNF Trea­surer chuan, "Chutiang bawkin MNF sorkar in-

ṭan tir hi kawng, gas, electric leh thil hrang hrangah nasa takin hma la chhoin a thawk ṭha hle. Education system hi tih ṭhat zel kan tum a, kan Chief Minister leh Education Minis­ter hruaina hnuaiah nasa takin hma kan sawn chho mek zel a, hma kan sawn belh zel dawn," a ti a, AAP in a tih theih chu MNF-in a ti thei a, AAP tih theih aia ṭha pawh MNF-in a tih theih thu a sawi.