Kum 2021-22 AMC budget vbc. 77.83 Hmasawnna hna thawhna tur 76.76%

Kum 2021-22 atana Aizawl Municipal Corporation (AMC) budget tur cheng vbc. 77.83, March 24, 2021-a AMC executive councillor (i/c Finance) Lalringliana'n a pharh tâk chu nimin khan Board of Councillors (BoC)-in an pawm. AMC budget-ah hian 76.76% chu mipui kaihhnawih leh hmasawnna hna thawhna tur a ni. 

Cheng vbc. 77.83 hmuhna tura ruahmante chu - AMC-in a thawh chhuah tur cheng vbc. 6.85, state sorkara chhiah tlingkhawm aṭanga an hmuh tur cheng vbc. 16.99, 15th Finance Commission Grants aṭanga hmuh tur cheng vbc. 34, kum 2020-21 tied grants hmuh tlai avanga hman zawh hman loh cheng vbc. 18.84 leh state aṭanga kum 2020-21 chhunga sum hmuh hman zawh loh vbc. 1.15-te a ni. 

AMC-in sum a thawh chhuahna tura a beiseite chu - property tax-ah cheng nuai 350, rental income-ah nuai 17.50, fees & user charge-ah nuai 207, sale & hire charge-ah nuai 50 leh bank interest aṭangin nuai 60 a ni. AMC budget aṭang hian cheng vbc. 18.08 chu hlawh leh inrêlbàwlna lama hman tur a ni a, chu chu budget pumpui aṭangin 23.24% a ni. Cheng vbc. 59.74 (76.76%) chu mipui kaihhnawih hrang hrang leh hmasawnna hnathawhna tur a ni thung.

15th Finance Commission aṭanga sum hmuh tur bik cheng vbc. 34 zinga vbc. 20.40 chu a hmanna tur tihfel sa (tied fund) a ni a, sanitation leh solid waste management leh drinking water & rain water harvesting atana 50% ve vea hman tur a ni. A bak cheng vbc. 13.60 chu hmasawnna hna dang thawhna atan hman tur a ni.

Councillor Ward Development Fund atan cheng vbc. 323 dah a ni a, councillor 19-te'n an bial chhunga hmasawnna hna thawhna atan cheng vbc. 17 ṭheuh an nei dawn a ni.