Vote thlak leh chhiar hun Party-te'n sawn an ngen

Mizorama political hrang hrangte chuan nimin khan Election Commission of India (ECI) hnenah lehkha thawnin, Serchhip biala MLA by-election vote thlak leh vote chhiar hun sawn tura ngenna an thlen.
Political party-te chuan, vote thlak ní tura ruat April 17 chu Inrinni, Seventhday Adventist, Church of God, Assembly of God, etc. te ni serh a nih thu leh, vote chhiar hun tura ruat May 2 pawh Pathianni a nih thu an tarlang a; Inrinni leh Pathianni chu Kristiante ni pawimawh a nih avangin, vote thlak leh vote chhiar hun thlak an duh thu an thlen a ni.
Lehkha hi poltical party-te chuan Mizoram Chief Electoral Officer kaltlangin ECI hnenah an thawn a; MNF, MPCC, ZPM, BJP, PC party leh ZNP aiawhte'n hming an ziak a ni.