Candidate zingah bial mamawh Ka hre chiang ber - PC Tlansanga

Serchhip biala MLA by-election neih tura INC candidate PC Laltlansanga chuan, candidate zingah ani aia Serchhip bial mipui mamawh hre chiang an awm loh tur thu a sawi.
PC Laltlansanga hian nimin khan Mat phai a tlawh a, thlai chíngtute nen an inkawmnaah, "Mat phaizau tihhmasawn a, thlai chingtute'n hlâwk zawka an thar theihna tur ka ngaihtuah nasa ve ṭhin. Kut hnathawktute mamawh leh harsatna hmuhpui ka duh avangin kut hnathawktute nena inkawmhona hun hi buatsaih ka ni," a ti.
Candidate zingah bial hmangaihtu dik tak hriat a pawimawh thu sawiin PC Laltlansanga chuan, "An din loh hnu pawha bial rawn hmangaih zui tur tu nge tihte thliar thiam turin ka duh che u," a ti a; khawtlang mamawh leh hmalak ngaihna kawng hrang hrang candidate zingah ani aia hre zawk an awm loh thu a sawi a ni.