BJP candidate Lalhriatrenga

BJP, Mizoram Pradesh chuan nimin khan an pisaah thuthar thehdarhtute an kâwm a; Delhi-a BJP Parliamentary Board pawmpuinain Serchhip biala Assembly by-election neih tura BJP official candidate chu Lalhriatrenga Chhangte a nih thu an puang.
Mizoram BJP president Vanlalhmuaka chuan, state BJP rawtna chu central-a BJP-in a pawmpui a ngaih thu sawiin, "Inthlan kan hmachhawn tawhahte khan unit kan nei mumal lo a, tunah chuan Serchhip bialah unit kan nei kim vek a, chuvangin, chak turin theihtawp kan chhuah dawn a ni," a ti a; central BJP hruaitute pawh campaign turin an rawn kal an beisei thu a sawi.