CADC Chairman paih a ni

Chakma Autonomous District Council (CADC) chairman H Amaresh Chakma chu nimin khan CADC session-ah a nihna aṭanga paih a ni.
CADC-a Information & Public Relations department tarlan danin, nimin khan CADC budget session neih a ni a, deputy chairman Mohesh Boran Chakma chuan a kaihruai. He hunah hian CADC chairman ni lai H Amaresh Chakma rin tâwk lohna motion put luh a ni a; motion chu bûk nghal niin, session-a tel MDC 15 (elected)-te'n an thlàwp vek avangin H Amaresh Chakma chu paih a ni.
No confidence motion hi executive member Mohan Chakma-a'n a pu lût a; motion thláwptu MDC 15-te chu rorel lai MNF MDC pariat leh eptu BJP MDC pasarih an ni a; chairman H Amaresh Chakma leh rorel lai member pathum chu session-ah an tel lo thung.
H Amaresh Chakma hi CADC General Election hnuhnung berah MNF party ticket-in Kamalanagar South bialah thlan tlin a ni.