Lemziak inelna lawmman sem a ni

Kolasib Circuit House-ah nimin khan Kolasib District Tobacco Control Cell-te buatsaih ruihhlo ṭhat lohzia inzirtirna leh zirlaite tana lemziaka inelna lawmman sem a ni a, additional DC Lallawmawma'n 
a hmanpui.
Lemziaka inelnaah hian Kolasib district-a sikul pariat aṭangin zirlai naupang 31 an tel a; pakhatna chu Vanlalrengpuii, Presbyterian English School a ni a, pahnihna chu Lallawmsangi, St. Maria Goretti’s School niin, pathumna chu Lalmuankimi, St. Maria Goretti’s School a ni. Mi panga hnenah consolation prize hlan a ni a, inelnaa tel zawng zawng hnenah lawmpuina thuziak pek a ni bawk.