Congress kan phûr - CLP Leader

Congress Legislature Party (CLP) leader Zodintluanga Ralte chuan nimin khan a biala Lungsen khuaa inkhawmah thu sawiin, Serchhip biala MLA by-election awm turah Congress party an phûr thu a sawi.

Zodintluanga Ralte chuan, Serchhip bial inthlan turah an party rilru pu mite an che chhuak mek tih sawiin, "Congress party chu ruhrel lian tak a nih angin kan phûr hle a, party rilru pu mite an rawn che chhuak mek. Kan chak ngei dawn tih a chiang a ni," a ti.

By-election-ah rorel lai beih rawn an nih ṭhin thu sawiin CLP Leader chuan, "Tunah erawh tlin inbeisei ṭheuhin party tinin inthlan kan hmachhawn a ni," a ti a; by-election neih tur chu inthlan danglam tak a nih thu a sawi.

Zodintluanga Ralte chuan, hnehna chan an inrin chhan sawiin, "MNF sorkar kum thum kal mekah hian mipui an beidawng a, an MLA te, an minister-te hun rei lote chhungin nasa takin an mualpho. An party worker-te an inluling nasa em em a ni," a ti.