Túmkau cháwiin kawng zawh a ni

Nimin Pathianni kha Isua Krista lal anga Jerusalem-a a luh ní, Túmkau Ni a ni a, khaw­puia kohhran tam berin kawng an zawh loh laiin, thingtlang lamah chuan khaw ṭhahnem takah Isua chawimawi nan túmkau cháwia kawngzawh huaihawt a ni.

Thu dawn danin, Aizawl khawpuiah chuan Túmkau Ni hi ṭum dang anga hman a ni lo a; tum­kau chawia kawng­zawh tlema zawng an awm. Kohhran ṭhenkhat chuan vantlang aurinna aṭanga kaihruaiin mahni in chung leh kawt velah túmkau cháwiin Isua chawimawi nan an au rual thung. 
Thingtlang khaw tam takah chuan hripui lèn hmaa tih dan ṭhin angin naupangte'n túmkau cháwiin kawng an zawh a ni. 

Mizoram Presbyterian Synod chuan Tumkau Ni-ah hian thupui an siam a; thupuite chu - chawhma inkhawmah 'Isua chu lal a ni' tih leh zan inkhawmah 'Lal Isua Jerusalemah lal angin a lut' tihte a ni.