AVBD voluntary donation target 90%

Association for Voluntary Blood Donation (AVBD) chuan thuchhuah siamin, kum 2021-22 chhunga thisen pekah a thlawna pek (volun­tary donation) zat tlin tum (target) atan 90% an ruahman a; an target tih­hlawhtlin a nih theih nan Mizo mipuite thawhpuiah an sáwm. 

AVBD hian March 25, 2021 khan thil chi hrang hrang an rèl bakah, kum 2021-23 chhunga office bea­rer turte an thlang a ni. Dis­trict thar pathum - Saitual, Khawzawl leh Hnahthialahte AVBD branch din an tum a; kohhran ṭhalai pawl leh pawl dang hruaitute tan Training of Motivators buatsaih te, college/ institution hrang hrang academic calendar-ah blood donation camp telh tura hmalak te, sorkar depart­ment-te nen blood dona­tion camp huaihawt tura hmalakte an rél bawk. 

Kum 2021-23 chhunga AVBD General Headquarters hruaitu tur an thlang a; pre­si­dent-ah C Lalnunnema thlangin, office bearer tur mi paruk dang an thlang a ni.