Inthlan inrinsiakna tihchhuah khap

Election Commission of India (ECI) chuan March 27, Inrinni khan hriarttirna a tichhuak a; Serchhip biala Assembly by-election awm turah, inthlan result inrinsiakna emaw, chhût lâwkna emaw lam hawi reng reng media leh thil dang hmanga tihchhuah khap a nih thu a tarlang.

ECI thuchhuah chuan, inthlan result thlir lâwkna leh chhût lâwkna thilte chu chanchinbu, TV news, print media chi hrang hrang, electronic media chi hrang hrang, social media leh thil dang hmanga puanzar, tarlan leh tlangzarhte khap a nih thu a tarlang a ni.

Thupek hian March 27, 2021 zing dar 7 aṭanga April 29, 2021 zan dar 7:30 thleng a huam a, thupek bawhchhiate chu pawisa chawitir emaw, kum hnih thleng tàntir emaw, a pahnih emawa hrem theih an ni.

Inthlan zawh hun (darkar tàwp ber) aṭanga chhiar lêta darkar 48 chhungin inthlan kaihhnawih thila ngaihdan lâk khawmna siam leh tlangzarhte ECI chuan a khap bawk.