Kawnpuiah meth mûm 2,41,900 man

Mizoram Police leh Assam Rifles ṭangrual chuan March 26, Zirtawpni zan dar 10:40 khan Kawnpui Vengtharah Methamphetamine (Meth) mûm 2,41,900 an man.

Police tarlan danin, meth an man hi tualchhunga hralhna ang chuan Rs. 6,04,75,000 man a ni a; Assam Rifles chuan Rs. 12,09,50,000 man niin an tarlang thung. Meth man chungchangah hian Kawnpui Police Station-ah thubuai ziah luh a ni.

Police thuchhuah chuan, kumin chhungin meth kg. 95.627, heroin gram 609.14 leh ganja gram 629 an man tawh tih an tarlang.

Assam Rifles leh Customs department chuan March 27, Inrinni khan Champhai Chhungte-ah ram dang meizial (foreign cigarette) báwmpui 10 an man bawk a, tualchhungah Rs. 13,00,000 man a ni.