Hnahthial MZP-in ILP an endik

MZP Headquarters, Hnahthial chuan March 27, Inrinni zing khan Hnahthial Venglai YMA Hall-ah an khuaa hnam dang awmte an ko khawm a, Inner Line Permit (ILP) an endik. Hnam dang 50 zinga 17-te chu ILP nei lo an ni.

Hnahthial MZP chuan ILP nei lote chu April 17, 2021 hmaa chingfel turin an hriattir a; April 17-ah an endik leh dawn a, chumi hunah chuan ILP nei ngei turin an hrilh. ILP fel lote pawh tifel turin an hriattir a, tihnun (renew) ngaite leh ILP thi hnai tawhte chu anmahni la chhuaktu (sponsor-tu)-te hnenah lehkha an pe bawk.

MZP Hqrs, Hnahthial president K Lalzarzova chuan, "Mihring hian mihring a nih angin zah a phú a, dan ang taka ram leh hnam humhalh erawh chu a ram mite chanvo a ni," a ti a; ILP sponsor-tute'n an mawhphurhna hre chiang se an duh thu a sawi.