Zorama'n 'issue base' awmze nei loah ngai

MNF president Zo­ramthanga chuan nimin khan Lungleia Mizo Hnam Runa in­khawm­ah thu sawiin, MP inthlanah 'issue base' a thawhpui neih tih chu thu awmze nei lo niin a sawi.

Zoramthanga chuan, Congress party leh ZPM-te thawkho chu an mangang thil tih leh chauhthubarawh niin a sawi a, "Thla thum lek kal taah do namênloin an indo a, tuna taka issued base-a kan thawhpui tih hi thu awmze nei lo a ni a, an thusawi leh ui bengah hlin tur a awm lo," a ti.

MNF candidate C Lalrosanga chu Mizo­ramin MP candidate-a a la neih ngai loh mi bik a nia sawiin Zorama chuan, "DDK-ah director general ni pha, north east pumpui lo enkawl tawh a ni. Pathian ṭih mi a ni a, ram hruai tura Pathian ṭih mi kan duh mipui ṭawngṭai chhanna kha amah hi a ni ngei ang," a ti a; Congress party leh ZPM-in mipui candidate tih vuaha candidate an vawrh chhuah dan chu America leh Europe hote'n a nihna tak hria se, an nuih a za viaua a rin thu a sawi.

Zoramthanga chuan, MNF-in sorkarna an chan hnu lawkah Krismas leh kum thar vuatvet a nang chho a, hna an thawh tak tak ṭanna chu kumin January 10 hnu lam a ni tih sawiin, "Rei lo têah MP Election Conduct Rules-in min phuar leh nghal a. Hna thawhna hun tlemtêa kan hnathawh leh an kum 10 hnathawh mipui zingah khaikhin tâwk an tam a, khaikhin tham pawh a ni mahna le," a ti.