KHAWTHLIR

Thu dik lo darh
Mizoram Board of School Education ((MBSE) chuan thuchhuah siamin, HSLC leh HSSLC Examination 2019-a subject ṭhenkhat answer paper-te MBSE Office-ah Pathianni zana ruahsurin a tihuh vek a, en theih loha a awm avangin subject ṭhenkhatah exam ṭhat leh tur anga nimina Whatsapp group ṭhenkhata thu thehdarh chu thu dik lo a nih thu an tarlang. MBSE chuan, dâwt chiang tak leh zirlaite tirálkhel záwnga dâwt thehdarh a ni chu pawi an tih thu leh, a thehdarhrtu chhui mek a nih thu an sawi.

District sawn turin YMA-in phût
Vawntawng Group YMA chuan nimin kha  resolutuon an pass a, Mizoram sorkarin district thar a siam turah, Lunglei district-a awm mek, Vantawng Group YMA huam chhunga awm Zote South leh Kanghmun South khuate chu, a khaw mipui duh angin Serchhip district-ah behtir turin Mizoram sorkar an ngen bakah, Serchhip district-a an beh theih nan a ṭul anga hmalak zel an tum thu an puang.

Hun sawn hlá
Air India-in April 2, vawiin aṭanga Aizawl leh Kolkata inkarah thlawhtheihna thlawh belhtir a tum chu kar khatin a sawn hlá a, April 9, kar leh Thawhlehni-ah a thlawh ṭantir zawk dawn. Thlawhna thlawh hun leh a thlawh dan turte chu ruahmanna an lo siam tawh anga kalpui tur a ni.

Inthlan sawiho
Lok Sabha inthlanpui awm tura election observer H Lallean Songate hoin nimin khan Election official-te chu Kolasib DC conference hall-ah an ṭhukhawm a, inthlan tur an sawiho. Meeting-ah hian flying squad team, accounting team, static surveillance team, expenditure monitoring team leh video vewing team-te an tel a ni.