MNF sorkar hnathawh a ropui - Dr R Lalthangliana

MNF vice president Dr R Lalthangliana chuan nimin khan Aizawla Mizo Hnam Runa inkhawmah thu a sawi a; ni 100 vel chhunga MNF kaihhruai Mizoram hnathawh chu a ropui hle niin a sawi.

Dr R Lalthangliana chuan, ni 100 chuang âwrh chhungin MNF sorkarin thil chhinchhiah tlak tak tak a thawk hman nia sawiin, "Zu do nan hmalak nghal a ni a, dry day puan a ni a, Assembly session hmasa berah zu khapna dan pass a ni. A hmun ngeiah Chief Minister-in kawng chhia a tlawh a, Zoram hmun tinah kawng chhe zualpui siam mek a ni ta. Sorkar hmasa khan kum 10 chhung khan kawng a siam duh lo hrim hrim nge tih hi zawhna awm thei tak a ni," a ti.

MNF Vice President chuan, blood processing fee tihtawp a nih thu te, lirthei chhiah pek dan tihdanglam a nih thu te, muster roll-te hlawh tihsan a nih tuh te, contract basis-a thawk mi eng emaw zat dah ngheh an nih thu te, zirtirtu sang chuang la tura inbuatsaih mek a nih thu te, district pathum tihpuitlinna tur sum dah a nih tawh thu te, SEDP atan sum tam tham tak budget-a dah a ni tawh thute a sawi.

Dr R Lalthanglianan chuan, Lok Sabha inthlana MNF cadidate tur chu a mi hriat chian, Pathian ṭih mi, mi hmantlak a nih thu a sawi a, "Kan sorkar hmasak khan a ṭhatzia hriain phai aṭangin Mizoram sorkara thawk turin kan lac hhuak ngat nghe nghe. Bye-election-a MNF candidate pawh hi kohhran leh khawtlang tana inpe tak nationalist dik tak a ni," a ti.

MNF thuchhuah chuan, nimina Hnam Runa inkhawmah hian MNF zawm thar mi 535 an lawm lut niin a tarlang.