Vawiinah sikul kai ṭan a ni dawn Lirthei tlân dan tidanglam nghal

Mizoram sorkar hnuaia sikulte chu academic session 2019-20 atan vawiin hian an hawn ṭan a ni dawn a, sorkar thutlukna thar angin, sikul luh hun chu zing dar 9 a ni ang. Sikul kai hun tihdanglam a nih avang hian Traffic SP Rodingliana Chawngthu chuan hmun 
ṭhenkhata lirthei tlan dan tihdanglam a nih thu a puang.

Traffic SP chuan, "Sikul ṭan hun zing dar 9 aṭanga ṭan tura Mizoram sorkarin thupek thara siam avangin, sikul naupang hruaite leh mipui kawngpui hmang vete remchan zawk nan a hnuaia kawng tarlanahte hian lirthei tlan dan ruahmanna thar siam a ni. Hei hian order lo chhuah tawh a luahlân ang a, thupek hi April thla sikul luh ní (April 2) aṭanga hman ṭan a, sikul kai ní apianga hman tur a ni ang," a ti.

Lirthei tlan dan tura ruahmanna thar hian chhiatrupna thil, kângmei leh rîkrum kaihhnawiha duty-te chet velna erawh a huam lo thung.

Traffic SP ruahmanna
1.    Kulikawn aṭanga Tlangnuam pana tlan chhoh theih loh hun zing dar 8 - 9 leh chhun dar 12:30 - 1:30. Hemi hun chhung hian naupang hruai tur leh Tlangnuam lam pan tur chuan Kulikawn aṭangin Pika Road-ah tlan thlain, Hridaikawnah chhuak pheiin, Tlangnuam aṭangin Kulikawn lamah an tlan let thei ang.

2.    Zarkawt Presbyterian biak-in kawt aṭanga Zarkawt traffic point lama chhuk zawngin zing dar 8 - 9 inkarah tlân theih a ni lo.

3.    Zarkawt traffic point aṭanga Zarkawt Presbyterian biak-in kawt, Babutlang road-ah chho zawngin zing dar 8 - 9 inkarah tlân theih a ni lo.