T Sailo policy-a campaign turin chah

Serchhip biala Assem­bly by-election awm tura PC party candidate Van­lalruata, Serchhipa nomination paper thehlut tura nimina Aizawl aṭanga kal chu PC president Lal­hmangaiha Sailo-in a vailiam a; Brig. T Sailo policy hmanga fimkhur taka campaign turin a chah. 

Lalhmangaiha Sailo chuan, loh theih loh a nih loh chuan mimal inbeihna lam aia Brig. T. Sailo policy hmanga campaign turin an candidate chu a chah a, "Model Code of Conduct leh MPF nena kan thuthlung ziah zaha bawhchhe lo tur leh thu tak leh thu dik chauh hmang turin ka duh che u a ni," a ti.