Mamit VC-te‘n Fire hmun an tlawh
Mamit Joint Village Council hruaitute leh member-te chuan nimin zing khan Mamita Fire & Emergency Services hmunhmate leh an bungruate an tlawh a; an hmalak dante leh an dinhmunte an enpui.
Kângmei a chhuah loh nan fimkhur tura ngenna a tam thei ang ber mipui hnenah hriattir ṭhin turin Fire department hotute chuan Mamit Joint VC hruaitute an ngen a; Joint VC Chairman leh Vice Chairman chuan Fire Service hnenah hian tui litre 2,000 ve ve an pe a ni.
Tun dinhmunah Mamita Fire & Emergency Services chuan kâng ṭhelh motor pahnih neiin, thawktu pariat an awm mek a; Joint VC hruaitute‘n an tlawh lai hian tui trip 5 vel chiah an nei. Tui dah khawlna hmun a sàn deuh avangin PHE connection aṭangin tui a lut pha lo a, ruahtui an khâwl chu kâng ṭhelh a ngaih chánga an rin ber a ni.