KHAWTHLIR

Inhmu khawm
Congress party leh ZPM ṭhalai hruaitute chu nimin khan Thara Resort-ah inhmu khawmin, Lok Sabha inthlanpui leh Assembly bye-election neih tur an sawiho. He hun hi ZPM ṭhalai general secretary F Rohmingliana'n a kaihruai a, MPYCC president Dr Lalmalsawma Nghaka leh ZPM ṭhalai president Malsawmzuala ten thu an sawi.

Hriattir nawn
Serchhip District Magistrate chuan thupek chhuahin, Serchhip district-a neite chu ni nga chhungin an awmna hnaih ber police station/outpost-ah silai tung vek turin a hriattir nawn a, "Thupek zâwm lote chu dan angin an chungah action lak a ni ang," a ti.

CEO chhim lamah
Mizoram chief electoral officer (CEO) Ashish Kundra chuan nimin khan Lunglei, Lawngtlai leh Chawngte a tlawh a, district pahniha district election officer (DEO)-te leh election offical-te a kawm bakah, Lok Sabha inthlanpui atana an inbuatsaihnate a enfiah. Joint CEO H Lianzela leh deputy CEO CC Lalchhuangkima ten an ṭawiawm.