Mi thata puh mi pathum man

May 21, 2020-a Bil­khawthlir bul Phai­pheng hmuna Chitan Joy (28), Durgapur, Assam mi thattua puh mi pathum police-te'n May 29, Zir­tawp­ni khan an man a; an lakah Vairengte Police Station-ah thubuai ziah luh a ni.

Thu dawn danin, Chitan Joy chu May 21 khan Phaipheng zaua Saihuala tuikhuahah thia hmuh a ni a; Bilkhawthlir police-te'n chhui zuiin, Chitan Joy-a ṭhian mi pathum - Jatan Joy Tipera (30), Jatona Rani (24) leh Ranjit Tudu (35)-te chu an man ta a ni.

Mi pathumte'n police hnena an sawi danin, an ṭhianpa Chitan Joy hoin an lêng a, an lênnaa hmeichhe chungah a chet mawi loh avangin an khawih rawn a, chumi hnuah dilah an paih ta a ni.