Minister-in department ram tur enfiah

Minister of state K Lal­rinliana chuan May 30, Inrinni khan Tuipui-D leh Hnahthialah a department chan Food, Civil Supplies & Consumer Affairs, LAD leh Fisheries department ram tura ruahmante a enfiah.

Sorkar official leh khawtlang hruaitute nen an inkawmnaah K Lalrinliana chuan, district thar pathum tichangtlung zel turin sorkar­in ruahmanna hrang hrang a kalpui tih sawiin, "Ka department enkawl FCSCA, Fisheries, LAD office tur leh quarters turte buaipui mek a ni. Hnahthiala Supply ku­dam kawt pawh siamṭhat thuai a ni dawn a, Legal Me­tro­logy pawh a takin func­tion tir a ni ang," a ti.

Fisheries Minister hian Tuipui-D khuain Chhimtuipuia sangha an humhalhna hmun a tlawh a; lui dung nungcha humhalh kawnga an hmalakna fakawm tiin, "Sangha humhalh en tura kal mikhualte chawlhbûk tur sa turin ruahmanna kalpui mek a ni a, hun rei lo têah sak ṭan a ni ang," a ti a, hun remchangah Sangha Kûtpui buatsaih dan ngaihtuah ṭha a tih thu a sawi.