COVID-19: Mizoram dinhmun Hripui vei mi 3 hmuh belh a ni

March 29, Thawhṭanni khan Mizoramah Covid-19 vei mi pathum hmuh chhuah an ni a, an zingah natna (symptom) lang pakhat a awm. Nimin khan hripui laka fihlim tawh mi paruk chhuahtir an ni.

Covid-19 vei hmuh tharte chu RAT hmanga hmuh chhuah vek an ni a, ZMC laboratory-a swab sample endikte a negative vek a, TrueNAT-PCR hmangin sample endik a awm lo.

Hripui laka fihlim tawh mi paruk, nimina chhuahtirte chu SRH-ZMC aṭanga chhuahtir mi panga leh Siaha CCC aṭanga chhuahtir mi pakhat an ni a; SRH aṭanga chhuakte chu Aizawl district-a mi pali leh Mamit district-a mi pakhat an ni.

Mizoramah Covid-19 vei mi 4,468 hmuh chhuah a ni tawh a, mipa 3,256 leh hmeichhia 1,212 an ni. Nimin tlai dar 5 thleng khan mi 4,434 (99.24%) chhuahtir an ni tawh a, mi 11 (0.25%) thi tawhin, enkawl mek mi 23 (0.51%) an awm.

Thawhṭanni khan ZMC laboratory-ah swab sample panga leh RAT hmangin district pathumah sample 415 endik a ni a, TrueNAT-PCR hmangin endik a awm lo. Sample endik zawng zawng chu 420 niin, chu'ng aṭanga Covid-19 positive hmuh chhuah pathum chu 0.72% a ni.

March 29, 2021 thlengin Mizoramah swab sample 2,51,722 endik a ni tawh a, chu'ng aṭanga Covid-19 positive hmuh tawh zat 4,468 chu 1.77% a ni. Hripui vei hmuh tawh zinga mi 2,129 chu Mizoram chhunga kái chhâwng an ni a, mi 2,339 chu Mizoram páwn aṭanga an rawn luh hnua hmuh chhuah an ni thung.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah hian Covid-19 positive 2,661 hmuh chhuah a ni tawh a, TrueNAT-PCR hmangin 674 leh RAT hmangin 1,129 hmuh chhuah a ni tawh.

Mizorama district 11 zinga district pakua - Lunglei, Champhai, Kolasib, Serchhip, Lawngtlai, Mamit, Saitual, Khawzawl leh Hnahthial district-ahte hripui vei an awm tawh rih lo a; Aizawl district (22) leh Siaha district (pakhat)-ah chiah an awm rih a ni.

Covid-19 vei hmuh tharte

Chawnpui - 1: Mipa kum 41, Delhi aṭanga haw, Lengpui Airport-a hmuh chhuah, symptom nei lo.
Chhinga Veng - 1: Mipa kum 31, Aizawla private hospital pakhata hmuh chhuah, tualchhunga kai, symptom nei lo.
Durtlang Leitan - 1: Hmeichhia kum 60, March 22, 2021-a Guwahati aṭanga haw, symptom a neih avanga private hospital-a endik a ni.