KHAWTHLIR

BBCI award hlân

Dr B Baruah Cancer Institute (BBCI), Guwahati chuan National Health Mission (NHM) mission director leh PBCR principal investigator Dr Eric Zomawia chu cancer donaa a hnathawh avangin March 27, 2021 khan 'Award of Appreciation 2021' an hlan. A rual hian hmarchhak state-a cancer dona lama thawk ṭha mi panga hnenah award an hlan bawk.

Zir chiang dawn

Prof. J Doungel, Mizoram University chuan Fulbright Fellowship hnuaiah USA-a research ti turin nimin khan Aizawl a chhuahsan. Prof. Doungel hian April 1, 2021 aṭangin University of Cincinnati-a Department of Political Science,-ah research a ti dawn a, a research thupui chu, 'Constitutional safeguards of the indigenous people: A comparative analysis of native Americans under the Constitution of United States of America and tribals under the provision of the Sixth Schedule to the Constitution of India'

tih a ni.

General Observer

Serchhip biala Assembly by-election neih tur atan Election Commission of India chuan Lokesh Kumar, IAS chu general observer atan a ruat. General Observer hi inthlan kaihhnawih thila zawh duh leh biak duhna nei chuan ni tin tlai dar 3-5 chhungin DC conference hall-ah hmaichhana biak theih a ni a, phone number 9362603048-ah biak theih a ni bawk.

Lugnphùm phúm

Information & Communication Technology minister Robert Romawia Royte chuan March 29, 2021 khan Chawngte P-ah cheng nuai 282.80 sênga hostel sak tur lungphûm a phúm a, Rângte khuaah cheng nuai 140 senga community service centre (CSC) sak tur lungphùm a phúm bawk.

Ventilator hmantir

State Referral Hospital-ah Covid-19 vei mi pariat enkawl mek an ni a, an zinga pakhat chu ICU-ah awmin, ventilator hmantir mek a ni. SRH-ZMC Bulletin tarlan danin, Isolation ward-ah mi pasarih an awm a, an zingah oxygen pek leh khawsik pakhat ve ve an awm a ni.