MSU-in lawmthu an sawi

Mizo Students’ Union (MSU) chuan thuchhuah siamin, Mizoram Rural Bank (MRB) hnuaia office assistant paruk, Service Regulation, 2010 leh Appointment Rule, 2017-in a phût ang an tlin loh avanga MRB-in March 29, 2021-a an service tihtawpna thupek a chhuah chu lawmawm an tih thu an tarlang.

MSU tarlan danin, MRB office assistant paruk - Kawlkulh, Champhai, Marpara, Kanhmun, Ngopa leh Sangau khuaa thawk mekte chuan Service Regulation, 2010 leh Appointment Rule, 2017-in a phût anga thla 18 chhunga Mizo ṭawng an thiam tih lantirna certificate an nei loh avangin March 29, 2021 khan MRB chuan service termination order a tichhuak a ni.