CADC session tihtàwp a ni

Chakma Autonomous District Council (CADC) budget session kal lai chu nimin khan chhunzawm a ni a, chief executive member (CEM) ni lai Rasik Mohan Chakma-a'n March 29-ah bànna a thehluh avangin tiam chin awm loin tihtawp nghal a ni.

CADC Information & Public Relations department tarlan danin, nimina CADC session hi vice chairman Mohesh Boran Chakma chuan a kaihruai a; CEM (house leader) an neih loh lai a nih avang leh an danah house leader awm loin budget chungchang leh thil pawimawh dangte rel theih a nih loh avangin session chu tiam chin awm loa tihtawp a ni.