MNF-in campaign an khâr

MNF chuan nimin khan Serchhip Bazar-ah inthlan atana campaign khârna inkhawm an buatsaih. MNF vice president Dr R Lal­thangliana'n thu sawiin, Lok Sabha MP atan MNF can­didate C Lalrosanga thlan tlin a nih chuan Mizoram malsawnna thlentu tur a nih dawn thu a sawi.

Dr R Lalthangliana chuan, Lok Sabha inthlana an candidate chu fakin, "Pu C Lalrosanga kan nei hi MNF mai ni lo, kan thlan tlin phawt chuan Zoram mipui tan a lawmawmin, malsawmna min la thlentu tur a la ni dawn a ni," a ti. Congress leh ZPM thlàwp Mipui Candidate tih chu Congress party mi leh sa nia sawiin, "MPC leh ZPM party mite hian an vote tui lutuk ka ring lo," a ti a; Serchhip bial mipuite chu thlan tur dik thlang turin a chah.