Vote thlak ní chawlhah puang

Lok Sabha inthlanpui leh Aizawl West-I Assem­bly bye-election atana vote thlak ni chu naktuk Ningani hi a ni a, Governor Jagdish Mukhi chuan Negotiable Instruments Act, 1881 hmangin vote thlak ni, April 11, 2019 chu Mizo­ram pumah chawlh (state holiday) a puang. Inthlan atgana campaign hun pawh nimin tlai dar 5 khan a tàwp.

Governor-in voter-te'n vote an thlak vek theihna tura state holiday atan April 11 a puan angin, Mizorama sorkar (state & central) hnathawk, zirna-in leh banking institution hrang hrangte chu khâr tur a nih thu sorkar thuchhuahin a tarlang.

Inthlan hi muanawm leh felfai tak buatsaih a nih theih nan leh inrîkrâpna thlen tuma ramri kâna Mizorama lut an awm lohna turin Bangladesh leh Myan­mar ram rîtu district magistrate-te chuan ramri kâna inkalpawh an khap a, inkalalpawhnate khâr a nih thu an puang. Thupek hi April 8, Thawhṭanni zing dar 7-ah hman ṭan a ni a, April 11, Ningani tlai dar 5 thleng hman tur a ni.

Hetih lai hian, inthlan atana campaign theih hun chu nimin tlai dar 5 khan a tâwp a, campaign hun a tawp hnuah chuan candidate-te bakah, anmahni thlawptute chu campaign lam thil reng reng ti tawh lo tura hriattir an ni.