OVC Project inhrilhfiah

NodNerc chuan FHI-360 (Family Health International) leh Mizoram State AIDS Control Society (MSACS)-te puih­naa project an kalpui, Orphans and Vulnerable Children (OVC) project chungchangah an kal dan tur inhrilhfiahna hun Hotel Floria banquet hall-ah an hmang a; MSACS project director Dr Lal­thlengliani'n a hmanpui.

Nimina kalphung in­hrilhfiahna hunah hian CodNerc project director B Lalchhanzova, MSACS-a state OVC coordinator Kimberly Lalṭhakimi, MSACS joint director pahnih Zuiliani Hrahsel leh Betty Lalthan­tluangi leh, FHI360 regional manager Chin K Samte te pawh an tel.

OVC Project hi Mizo­rama HIV leh a kaih­hnawih vanga fahrah leh HIV kai hlauhthawn­awma awm naupang kum 18 hnuai lamte tana thawk tur an ni a, mirethei hnen thleng phak thil ṭha inkawhhmuhna atana tih niin, Aizawl district-ah hna an thawk phawt dawn a ni. Nun kawng dik kawhhmuhna lam te, HIV/AIDS lama harsatna neite puihna lamte an buaipui bawk dawn a ni.