Fire Service Week Hman dan tur rêl

Chief secretary Lal­nunmawia Chuaungo hoin nimin khan Chief Secretary pisa conference hall-ah April 14-20, 2019 chhunga ram puma Fire Service Week hman dan tur rel a ni.

Meeting-ah hian, Fire Service Week pualin sikul, college, damdawi-in leh mipui punkhawmna hmunah kângmei laka inven pawimawhzia zirtirna kalpui a nih ṭhin thu sawi a ni a; All India Radio, Aizawl kaltlangin zirtirna zau zawk neih ni se, an ti. Shopping complex hrang hrangah kângmei laka invenna atana hmalaknate endik a ṭul thu an rêl bawk.

Kumin Fire Service Week thupui tur chu ‘Fire prevention is better than fire fighting' (Kângmei laka inven hi kângmei ṭhelh aiin a ṭha zawk) tih a ni.

Meeting-ah hian Home, School Educa­tion, LAD, Disaster Ma­ngement & Reha­bili­tation, Fire & Emer­gency Service leh Infor­mation & Public Relation department hotu te, Aizawl DC, Aizawl SP, AIR, Traffic SP, Aizawl Municipal Corporation leh Central YMA aiawhte an tel.