MHA-in zangnadawmna pe dawn

Tlabung Sub-Division huam chhunga awm Bindasora khuaa chhungkaw 12-te chu Ministry of Home Affairs (MHA)-in zangnadawmna a pe dawn.

Bindasora-a chhungkaw 12-te hian, India leh Bangladesh inrina hung hna thawh vangin an ram tihchhiat a ni tih sawiin, kum 2008 aṭang khan zangnadawmna pek an lo phut tawh a,  an thil phut hi tihhlawhtlin a nih mai loh avangin, zangnadawmna an hmuh ngei theih nan court-ah an zualko a ni. Chhungkaw 12-ten zangnadawmna an hmuh tur zat chu a vaiin cheng nuai 18 a ni.

Zangnadawmna sum MHA-in a pek chhuah tur thu hi Engineering Projects India Ltd. hotute chuan chhungkaw 12 hi tun hnai khan an hrilh a,  court-a an zualkona pawh hnukkir turin an ngen nghal.