Sorkar ngenna zawmin Mi 163-in silai an tung

Mizoram sorkarin inthlanna thianghlim leh muanawm tak a awm theihna atana ngenna a siam angin Tlabung Police Station-ah chuan Thawhlehni thleng khan silai 163 tun a ni.

Tlabunga Police hotute sawi danin, Tlabung sub-division huam chhung khaw hrang hrangah dan ang thlapa a neituten silai an kawl zat chu 180 bawr vel a ni a, heng zingah hian hluihlawn a nih avanga hmantlak tawh loh silai eng emaw zat a awm a ni. Tlabung Sub-Division huam chhunga silai awm zat ngaihtuahin silai tung lo an awm vak an rin tawh loh thu Tlabung Police hotute chuan an sawi.