Kan party president zahawmna tibawrhbang thei tur lemziak pho chhuah a ni - MNF ṭhalai

MNF ṭhalai chuan thuchhuah siamin, March  5 leh 6, 2020 chhunga Chapchar Kut puala Vanapa Hall-a Art Exhibition neih zawh takah lemziak pakhat an party president zahawmna tibawrhbang thei tur lemziak pho chhuah a nih thu an tarlang a, "Hei hi pawi kan ti a, kan rilru a na hle a, hetiang thil hi thleng nawn tawh lo se kan duh hle a ni," an ti.

MNF ṭhalai chuan an president lem pho chhuah chu mite ngaihdan hruai kawi thei tura ziak a ni tih tarlangin, "Mi dangte deusawhna leh cheksawlhna lam hawia thil tih nia kan ngaih avangin pawm harsa kan ti hle. Tun hma 

aṭang tawha kan lo tar lan fo tawh angin, eng political party leader pawh ni se, tuna mite bak hi Mizoten kan nei chuang lo a, chuvangin mimal taka inbeih te hi ṭha kan ti lo," an ti a, party leader-te zahawmna humhimsak chu an duhdan a la nih reng thu an sawi.

Lem ziaktu te, thu ziaktute, mi tin mai hian kan ngaihtuahna leh suangtuahna pho chhuak turin zalenna thui tak nei mah ila, kan zalenna neih hi mi dangte rilru natna tur leh, mi thinurna tichhuak lo tur zawnga kan hman thiam a pawimawh tih sawiin MNF ṭhalai chuan, "Heng kan zalenna hi fimkhur taka hmang ṭhin turin mi tinte kan ngen a ni," an ti.