Thenzawl Golf Course hawn ṭhulh

Thenzawl Khawibelphul hmuna cheng nuai 6448.08 senga siam Thenzawl Golf Course chu Inrinni khan Union Minister of State for Tourism and Culture Prahlad Singh Patel hawn tir tum a ni a, mahse khua a ṭhat loh avangin hawn a ni lo.

Thenzawl Golf Course hawng tur hian Sorkar chuan ruahmanna engkim a siamfel vek tawh a, Thenzawl Public Playground chu helicopter hmanga Union Minister ṭumna tura ruahman a ni a, test landing pawh neih tawh a ni. 

Golf course hawnnaa tel tur hian chief minister Zoramthanga, Tourism minister Robert Romawia Royte leh official dangte pawh Aizawl aṭangin Thenzawl panin an kal a, Thenzawl an thlen hmain khua a ṭhat loh avangin Union Minister hi a rawn thlawk thei lo tih an hria a ni.