Khawlai tifaiin naupang an hnatlang

UDPA department hnuaia Mamit khawpui faina tura hmalakna atana din, Mamit Bazar Veng Children Sanitation Club chuan April 11, Ningani zing khan khawlai tihfai hnatlang an nei.

Hnatlangah hian naupang ṭhahnem tak an thawk chhuak a, Mamit Bazarpui hmun leh kawngpui kama bawlhlawhte an chhar a ni.

PHE department aṭanga Mamit district Swachh Bharat Mission (Gramin) ambassador Laltharzeli'n hna­tlanga tel naupangte hnenah faina pawi­mawhzia leh Mamit khawpui faina tura an tih theihna a hrilh a; Mamit khawpui chhung hmun lûn lai leh bazar hmunte tifaia hnatlan ṭhin a ngaih thu leh UDPA department nen ṭangkawpa khawpui mawi leh fai nei reng tura theihtawp an chhuah thu a sawi.