KHAWTHLIR

English - Mizo Dictionary thar
Synod Literature & Publication Board (SLPB)-in English - Mizo Dictionary an siam thar chu nimin khan Synod executive secretary (i/c SLPB) Rev. B Sangthanga'n Synod Conference Hall-ah a tlangzarh. English - Mizo Dictionary hi kum 30 chhung buaipui a ni a, ziak turin mi thiam 19 thlangin, edit turin mi 12 ruat an ni. Dictionary hi phek 1,313-a chhah ni a, thumal 25,254 a awm. Bu khat Rs. 450 man a ni.

Thisen pe
Serchhip Chhimveng Branch Kristian Ṭhalai Pawl chuan Serchhip Vengchung Bial KṬP ruahman angin nimin khan Serchhip District Hospital tan thisen unit 25 an pe a, a petute mipa 15 leh hmeichhia 10 an ni.