Mizoram Board of School Education Examination ṭan a ni

Mizoram Board of School Education (MBSE) chuan, April 1, Ninga­ni khan High School Lea­ving Certi­ficate (HSLC) Exami­nation 2021 a buatsaih ṭan.

Thu dawn danin, kumin HSLC exam-ah hian exam centre 116 awmin, sikul 679 aṭangin exam hmachhawntu (candidate) 18,738 an awm. MBSE-in inkaih­hruaina a siam angin zirlai exam turte chu infrared thermometer hmangin enfiah hmasak an ni a; centre ṭhenkhatah chuan Covid-19 léng kaihhnawiha khung hran mekte chu pindan hrangah exam tir an ni.

Nikum leh kuminah hripui léng vanga sikul kài a mumal loh avangin tun ṭum HSLC-ah hian zirlai (course) chu 30%-in tihtlem a ni a, course 70% aṭangin zawhna siam a ni. Zawhna awl deuh chi pawh kum dang aiin 10%-a tihpun a ni a, zirlaite chu sample question pek an ni bawk.

HSLC 2021 result chu kumin June thla chawlhkar khatnaah tihchhuah tum a ni.