Ráltlân puih dan tur ruahman

Central YMA-in Myanmar aṭanga ráltlân, Mizorama lutte buaipui tura a din Myanmar Refugee Relief Committee chu April 1, Ningani khan CYMA Committee Room-ah an ṭhukhawm a; Myanmar ráltlânte ṭanpui dan turah ruahmanna an siam.

Myanmar Refugee Relief Committee-ah hian chairman chu CYMA president Vanlalruata niin, secretary chu CYMA general secretary Prof. Lalnuntluanga a ni a; member dang pakua - CYMA office bearer dang palite leh Central Executive Committee member panga an tel bawk.