Khawlaia hmuh saza a thi

Chhimphei YMA, En­vironment, Forest & Climate Change (EFCC) leh ASEP chuan thuchhuah inṭâwm siamin, Inrinni zing dar 5 vel khan Zampuimanga lung­phun piah deuhah state animal - sazâ hliam hmuh a nih thu a tarlang a, "Thang­kama âwktu kan dem tak zet a ni," an ti. Saza hi nimin zing dar 5:30 khan a hliam tuar loin a thi.

Chhimphei YMA, EFCC leh ASEP tarlan danin, saza hi thang âwk tâl chhuak niin a lang a, a awhna thirzai pawh a nâkah a la inthlung a ni. Khatla Vety Hospital-ah kalpui nghal a ni a, theihtawp chhuaha enkawl nimah se, a hliam tuar loin a thi a ni.